O BNG celebrará este venres un encontro coa euro-deputada Ana Miranda

O BNG celebrará este venres un encontro coa euro-deputada Ana Miranda

O BNG celebrará este venres un encontro coa euro-deputada Ana Miranda, cabeza de lista pola organización nacionalista de cara ás vindeiras eleccións europeas.

No seu compromiso co país, a deputada Ana Miranda visitará este venres (25 de abril) a localidade de Redondela; aí celebrará un encontro con diversos colectivos veciñais, entre os que destaca a Plataforma Para a Defensa da Enseada de San Simón, dado que o mar e a pesca son ámbitos de influencia na vida diaria redondelá, e nos cales a cámara europea ten moito que dicir.

O encontro terá lugar na Casa da Cultura de Redondela ás 19:00 e, desde o BNG queren convidar a todos os colectivos sociais que o desexen, así como a calquera persoa que individualmente queira asistir, a que acudan á xuntanza para obter de primeira man toda a información que desexen acerca do traballo que Ana Miranda desenvolveu estes últimos catro anos en Bruxelas, así como para presentarlle á eurodeputada as súas preocupacións e demandas que poidan ser defendidas no parlamento europeo.

Ana Miranda desenvolveu a súa actividade en Europa durante os últimos cinco anos, aínda que a súa presenza como eurodeputada se limitou tan só a 18 meses debido a que compartía escano con ERC e con ARALAR. Aínda así, Ana Miranda é a representante elixida polos galegos que desenvolveu unha maior actividade na cámara. Segundo datos do propio parlamento europeo, a eurodeputada do BNG desenvolveu 284 iniciativas en 18 meses, mentres que Antolín Sánchez Presedo presentou (PSOE) 288 en 60 meses, e Francisco Millán Mon (PP) presentou unicamente 150 iniciativas en 60 meses. Examinando máis en detalle os datos que nos ofrece o parlamento europeo, se observamos as iniciativas presentadas que tratasen temas relacionados directamente con Galiza, observamos que Ana Miranda presentou 69 (sen contar as que se presentaron a través dos deputados de ERC ou ARALAR), fronte ás 52 de Sánchez Presedo e ás escasas 12 de Millán Mon.

Estas cifras, que calquera persoa pode consultar na web do parlamento europeo (www.europarl.europa.eu), demostran sen lugar a dúbidas a capacidade de traballo e o compromiso do BNG co electorado.

10153236_639285846140461_1877798301501500714_n

O BNG celebrará este venres un encontro coa euro-deputada Ana Miranda