Por medio do concelleiro nacionalista, Xoán Carlos González, o BNG dirixiuse ao goberno municipal para que se continuaran as cunetas nesta estrada nacional. “Pretendemos que a empresa encargada do mantemento continúe coas obras realizadas preto da cabeceira do aeroporto”.

Segundo o concelleiro, hai varias semanas que se realizaron unhas obras duns 60 metros, para a evacuación de augas. “Para nós trátase dunha intervención insuficiente, posto que un grande treito da estrada carece deste sistema. Coa cantidade de auga caída nestes meses, as augas invaden a estrada, co conseguinte risco para peóns e vehículos”, continúa Xoán Carlos González.

Para a organización nacionalista, a situación agrávase “dende que se informou que Fomento renuncia a arranxar a estrada, posto que as condicións de seguridade da estrada carecen dos mínimos exixíbeis”.

Segundo Xoán Carlos González, “trataríase dunha intervención moi necesaria e cun custo non moi elevado para Fomento”.