Xoán Carlos González “750.000 €, na renovación de parques infantís, carece de xustificación"

Xoán Carlos González “750.000 €, na renovación de parques infantís, carece de xustificación"

A solicitude, do goberno de Javier Bas doutros 41.000€ de Fondos Europeos, para a renovación de tres parques infantís, “obedece unicamente a intereses electoralistas”.

Segundo o concelleiro nacionalista, Xoán Carlos González, “a renovación total das áreas de xogos infantís, converteuse nun dos capítulos de inversión máis importantes deste goberno municipal, o que non ten lóxica ningunha”. Considera que non existe ningún tipo de xustificación para que se dilapidaran fondos públicos desta maneira.

“En contra do manifestado pola concelleira de parques e xardíns, non existe ningún informe dos técnicos municipais, no que se recolla a necesidade deste cambio. O único que existe son os escritos da concelleira, que valora persoalmente que se deben cambiar, e así se fai”

Para o concelleiro do BNG, trátase dunha mostra de que detrás da palabrería do goberno de Javier Bas, unicamente se actúa seguindo intereses particulares e partidistas. Continúa na súa nota afirmando que “xogan cos fondos públicos, sen respostar realmente ás verdadeiras demandas e necesidades dos veciños e veciñas de Redondela. Nin comedores escolares, nin axudas a emerxencia social, nin emprego de calidade, nin infraestruturas prioritarias”, afirma. Unha actuación no goberno que unicamente, obedece a intereses particulares e partidistas.

Exemplifica esta situación de “gasto sen miramentos”, na recente remodelación do parque infantil da Alameda. “Tratábase dun parque, con apenas seis anos, no que se investiron 195.000 €; no canto de crear zoas de esparcemento noutras partes de Redondela, como no caso de Os Eidos”.

Agora solicitan máis de 41.000€, a traveso da Vicepresidencia da Xunta de Galicia, procedentes dos Fondos Europeos, para a renovación de tres parques infantís. “Segundo os nosos cálculos a inversión do goberno de Javier Bas en menos de catro anos, supera os 750.000€. Inversión totalmente inxustificada, cando existen outras demandas e outras prioridades ás que o goberno municipal debe dar resposta”.

Inversións en parques infantís mandato 2011/2015

 

ParqueCantidade
A Xunqueira-85.000,00 €
Varios parques infantís: Quintana, Praia Cesantes, Campo da Festa Reboreda,70.000,00 €
Espazos convivencia no rural: Xogo dos Bolos, Salgueiral, Quintela (biosaudábeis) subvención  da Axencia Galega de Desenvolvemento Rural54.000,00 €
Parque infantil Porto Cabeiro4.700,00 €
Reparación parque Pousadouro3.115 €
Traslado Biosaudábeis Salgueiral5.000€
Reparación Parque Igrexa Cesantes2.454€
Reparación Parque Quintela3.017€
Reparación Parque Colexio A Marisma1.300€
Reparación Parque A Marisma1.000€
Reparación Centro Cultural O Viso4.585€
Parque Cedeira (Centro Cultural)3.115,00 €
Pista Vilar (estrada provincial)8.500,00 €
Alameda Redondela195.000,00 €
Alameda Chapela120.000,00 €
Parques en varias parroquias: Vilar, Cesantes, Chapela, Trasmañó (A Lamosa)162.000,00 €
Reparación parques infantís no Multiusos de Chapela, no Escredo e na Texeira (O Viso)41.322 €
TOTAL764.100€

 

Xoán Carlos González “750.000 €, na renovación de parques infantís, carece de xustificación"