Editorial

O BNG rexeita a alternativa á N550 en Redondela, proposta no PXOM.

O BNG rexeita a alternativa á N550 en Redondela, proposta no PXOM.

Dende a organización nacionalista consideran que a proposta recollida no borrador do PXOM, tería un impacto moi negativo para entornos como O Salguieral, ou Eidos. “O novo vial,  trasladaría o problema de miles de vehículos que se desprazarían cara a Vigo, Pontevedra ou Portugal a escasos metros do centro de Redondela,” afirman. Presentaron suxestións de eliminación deste trazado, tanto na Consellaría de Medioambiente como no Concello.

Ler nova
O BNG considera un despilfarro que o goberno de Javier Bas adique 38.000€ do Plan Concellos... “para un piano de cola”.

O BNG considera un despilfarro que o goberno de Javier Bas adique 38.000€ do Plan Concellos... “para un piano de cola”.

. Nas propias bases, recoñécese a autonomía para que cada un dos concellos, seguindo unhas directrices poida investir dita partida orzamentaria. Tres son as liñas básicas nas que se pode actuar: creación de emprego, afrontar pagos de diversa índole e investimentos. Recolle igualmente a posibilidade de adicar partidas plurianuais, para equipamentos municipais esgazados na vaga de lumes.

Sorpréndelle ás e aos nacionalistas que na liña de “investimentos” se recolla a proposta do Concello de Redondela, na que se prantexa como unha necesidade, a adquisición para o Multiusos da Xunqueira dun “piano de cola”, para o que reserva unha partida de 38.000€

Segundo o concelleiro nacionalista, Xoán Carlos González “non vai ser o BNG, quen poña peros ao fomento da cultura en todas as súas manifestacións, mais a adquisición deste instrumento musical, debe adaptarse a uns orzamentos máis axustados. Sendo responsábeis de velar polo interese xeral, xunto a unha axeitada inversión dos cartos públicos, cómpre priorizar as necesidades”.

Para o BNG, tal inversión nun piano de cola, xa non só supón facer fronte a un gasto de 38.000€. Dito instrumento musical, pode ser empregado un número moi limitado de veces ao longo do ano. Ademais, tal elemento vai requirir duns coidados e un mantemento, que van supoñer unha partida orzamentaria importante.

Defenden a cultura popular, de base, como instrumento de medre persoal, que forma parte da educación do conxunto da veciñanza, constitúe o eixo fundamental. Salienta o voceiro nacionalista “como con este tipo de propostas demóstrase que o goberno de Javier Bas carece de Proxecto e criterios”. Certifícase que moitas das súas actuacións caracterízanse por certo “pailanismo”, que lonxe de fomentar e dar resposta ás verdadeiras demandas culturais, obedecen a intereses egocéntricos.

O concelleiro nacionalista salienta que “existen no noso concello numerosas e moi destacábeis manifestacións culturais de base que cómpre promocionar, dende os grupos de baile e música popular, asociacións culturais, grupos de teatro, grupos de rock, rap, masas corais,... nas que se deben centrar os esforzos do goberno local. Con este tipo de proposta o goberno de Javier Bas atende máis a postulados personalistas, que a verdadeiras necesidades sociais”, rematan na súa nota.

 

 

 

 

Ler nova
Xoán Carlos González: “A quen realmente había que cesar, era a todo o goberno municipal”.

Xoán Carlos González: “A quen realmente había que cesar, era a todo o goberno municipal”.

 A proposta, veu despois de que a responsábel deste departamento, negara o dereito de Folga como instrumento de reivindicación do conxunto da sociedade, nomeadamente das mulleres.

Recordou Xoán Carlos González a actitude hostil da concelleira, en diversas iniciativas que plantexaban a loita polas liberdades da mulleres, a equiparación cos homes. “Amosou o rexeitamento á institución do feminicidio como delito, amosou a súa defensa a ultranza de leis que pretende relegar ás mulleres a meras reprodutoras e coidadoras”.

O concelleiro nacionalista, referiuse ao pleno de febreiro, onde grazas á maioría dos votos da oposición, Redondela apoiou a exitosa Folga do 8 de marzo. “Daquela o goberno redondelán quedou fóra, en contra dunha mobilización histórica”.

Noutra parte da súa intervención, Xoán Carlos González, acusou a Javier Bas de teren tomado como primeira medida deste mandato, a substitución dunha muller para que pasara a formar parte do goberno, unha das “súas fichaxes estrela”, por suposto un home. Tamén acusou ao rexedor, de dar instrucións para que “aqueles traballadores e traballadoras que apoiaron a folga, ou os paros, ademais de descontarlle o día, se lle restaran as aportacións á Seguridade Social”. Todo un exemplo da man de ferro co que este home goberna en Redondela.

Xa no remate da súa intervención, Xoán Carlos González recordou o resultado da moción por el mesmo presentada en defensa de Maite Mouriño. “Despois de once anos desenvolvendo postos de responsabilidade na empresa que xestiona a rede semafórica no noso concello, foi despedida por seren muller e adicarse á política. Daquela, soamente contamos co apoio do Partido Socialista. Os tribunais déronlle a razón a esta compañeira militante de Pazos de Borbén”.

Como non podía ser doutro xeito, por medio do edil, o BNG apoiou a moción presentada polo colectivo. Ao longo do debate, recoñeceuse o labor da Asemblea Feminista Paxaretas, dinamizadora das actuacións e actividades de mulleres ao longo das últimas semanas. Mágoa que dende a concellería de igualdade, non se estea á aaltura.

Ler nova
“A Xunta abandona o cerco de Redondela” segundo o BNG

“A Xunta abandona o cerco de Redondela” segundo o BNG

A este mal acordo para a flota do cerco galega (outro máis), temos que sumar a  rebaixa da cota da xarda, nun 20%  e que as posibilidades da pesca da anchoa é ridícula, xa que esta redúcese ó 1,14% do cupo do estado español, tan  só 68,1 toneladas

Esta situación fai que algúns deste barcos se atopen amarrados a porto e cun futuro moi incerto. “Non podemos saír a faenar, gastamos máis en  combustible do que gañamos” comentan os armadores.

Sinalar que mentres que o goberno portugues subvenciona aos barcos do cerco que se atopan amarrados, o goberno español coa complicidade da Consellería do Mar, decidiu non dar ningún tipo de axuda a esta flota.

A situación deixase notar gravemente na economía de moitas familias do noso concello, xa que a meirande parte da flota do cerco da ría de Vigo, pertence a armadores de Redondela, son unhas 30 embarcacións e mais de 300 tripulantes.

A grave situación económica pola que  que están atravesando estas familias, debería ser suficientemente importante para que dende o noso concello se tomaran cartas no asunto. Dende o BNG de Redondela o seu Responsábel Local, Anxo Lusquiños, considera que o alcalde volveu a amosar o seu desleixo polos problemas reais que afectan a numerosas familia. “Nin sequera tivo o xesto de terse posto en contacto con estes armadores para coñecer de preto esta situación”. Sinala o apoio e a solidariedade da formación nacionalista coa flota do cerco de Redondela e póñense a súa disposición para o que consideren oportuno

Reclamámoslle a Javier Bas que asuma a súa responsabilidade, e que de maneira urxente solicite unha xuntanza coa Conselleira do Mar, para trasladarlle a preocupación por esta grave situación e esixir medidas que eviten a desaparición desta actividade pesqueira de tanta relevancia económica e social na vida do  noso concello, remata na súa nota Lusquiños.

Ler nova
O BNG, pide ao Pleno de Redondela o apoio á Folga da Xustiza.

O BNG, pide ao Pleno de Redondela o apoio á Folga da Xustiza.

“Trátase dun servizo desbordado, e moi deteriorado pola administración galega”, afirman.

Por medio da moción presentada no Pleno de Redondela, dende o BNG solicitan o apoio ás mobilizacións e folga da xustiza. Uns 2.500 traballadores e traballadoras, levan xa seis semanas reclamando melloras na institución de xustiza que beneficien ao conxunto da cidadanía.

No corpo da moción, que será defendida polo concelleiro Xoán Carlos González, recóllense as demandas destes empregados públicos, que sobordan as subas salariais. En concreto refírese a consolidación de postos de traballo con máis de tres anos na mesma praza; a reposición de máis de 100 prazas amortizadas nos últimos anos; a retirada dos descontos en caso de Incapacidade Temporal; ou a compensación económica no caso de que se cubran postos de maior categoría.

“Lonxe de tratarse dunha folga unicamente por demandas de aumento salarial, tal como pretende facer crer o presidente da Xunta, para desprestixiar esta medida extrema, trátase dunha demanda para mellorar a Xustiza en Galiza”, afirma o concelleiro nacionalista. Recorda que estes traballadores e traballadoras, despois de meses de negociacións “tiveron que facer uso do seu lexítimo dereito á folga, como medida extrema. Recorda que durante todas estas semanas estes empregados e empregadas públicas, no van cobrar, o que demostra que se trata dunha aposta valente e exemplar”.

Por medio da moción, dende o BNG preténdese que ademais de apoiar e poñer en valor unha “lexítima loita laboral”, forzar a que a Xunta de Galiza escoite as lexítimas reivindicacións dos traballadores e traballadoras, “apostando por un servizo público e de calidade, que permita unha atención de calidade ao conxunto dos veciños e veciñas”, rematan na súa nota.

Ler nova
Tras tres anos de xestións, o saneamento chega á Rabadeira�

Tras tres anos de xestións, o saneamento chega á Rabadeira

O inminente remate das obras dos colectores do saneamento, nesta parte de Cedeira, nas inmediacións da estrada Redondela-Peinador, son valoradas positivamente dende o BNG.

Ler nova