Centro de Día de Cesantes; por dignidade.

Veciñas de Redondela e Cesantes xunto a Montse Prado e parte do CL do BNG de Redondela.
O BNG foi a organización que abandeirou a loita pola apertura do Centro de Día de Cesantes.

Por dignidade, Javier Bas e Jose Manuel Rey Varela, conselleiro de Política Social, deberían ter elexido outro entorno para asinar o convenio de colaboración para a xestión deste equipamento, ao non ser nunca unha prioridade nos seus respectivos gobernos. Durante máis de catro anos o alcalde de Redondela interino, calou, mirou para outro lado, actuou submisamente, preferiu apostar por outros equipamentos máis rendíbeis electoralmente.

Por dignidade, a concelleira de servizos sociais, Mari Carmen Amoedo debería manterse igual de calada, que todo o ano e medio de xestión da área de servizos sociais nos que nunca reclamou a apertura do Centro de Día.

Por dignidade, resulta intolerábel que se faga unha campaña de lucimento persoal, daqueles que nunca se interesaron por este servizo para os nosos veciños e veciñas.

Por dignidade, AER debería manterse calado. Por segunda vez rexeitaron a apertura dun Centro de Día. A primeira, cando lle deron 500.000€ do de Trasmañó para un Pavillón, a segunda na actualidade.

Por dignidade, esta forza política debería respectar as decisións de quen si estivo traballando para que a apertura do Centro de Día fora unha realidade. Durante catro anos AER non presentou ningunha moción que se referira a este asunto, non apoio ningún tipo de convocatoria, máis ben todo o contrario, non mobilizou á súa base social para presionar. Nin tan sequera nas negociacións co PP, para que Javier Bas acabara sendo alcalde, puxeron o tema enriba da mesa.

Por dignidade, deberían calar aqueles que confunden á opinión pública sobre un modelo de xestión, dun centro da Xunta e manténdose morno nas críticas cando pola ausencia de tres concelleir@s da oposición, non se puido resgatar a limpeza de edificios públicos.

Por dignidade, o Bloque Nacionalista Galego apoiou a apertura do Centro de Día de Cesantes, en canto houbo a menor oportunidade.

Por dignidade, traballamos estes anos para que corenta veciños e veciñas das economías máis febles tanto de Redondela como da nosa bisbarra, que non poden asumir o custe dun centro privado, se convertan en usuari@s dun equipamento de primeira orde social.

Por dignidade, o BNG apostou dende hai anos para que este equipamento se convertera nunha realidade en Redondela. A construción do Centro de Día, obedecía a unha “clara demanda social”.

Por dignidade, mobilizámonos ao longo destes últimos catro anos para que se puxera en marcha o Centro de Día. A militancia, e os parlamentari@s galegos, realizamos diversas concentracións, presentamos diferentes iniciativas no Parlamento Galego.

Por dignidade, o BNG presentou unha alegación aos orzamentos da Xunta, para que se dotara con outros 300.000€ para completar as 40 prazas en réxime ambulatorio, e as 20 do Fogar Residencial.

Por dignidade, dende o BNG seguimos traballando para que os servizos sociais sexan un dereito e non unha concesión dos gobernos de Feijóo ou Javier Bas.

 

Centro de Día de Cesantes; por dignidade.
Centro de Día de Cesantes; por dignidade.