Como resultado da sentenza emitida polo xulgado do contencioso administrativo nº2 de Vigo a partir da denuncia presentada por veciños e veciñas colectivamente contra o concello de Redondela pola concesión de licenza de obra a Auxiliar Conservera, AUCOSA, ubicada no barrio de Cabanas (Trasmañó), dende o Bloque Nacionalista Galego queremos manifestar:

Durante varias semanas os fedores procedentes da factoría de tratamento de restos de peixe para elaboración de fariña e alimentos para uso acuícola, ubicada en Punta Chapelisa, Cabanas, converteuse nunha das protagonistas da vida do concello de Redondela.

Dende a organización nacionalista consideran que a xuntanza mantida por diversos membros do goberno municipal de Redondela con veciños e veciñas que viven a carón de AUCOSA, en Cabanas, obedece á presión veciñal exercida dende hai varios meses.

Durante unha semana do mes de xaneiro, as parroquias de Trasmañó e Chapela, padeceron os intensos cheiros desta empresa produtora de fariñas a partires de sobras de peixe, ubicada na beiramar de Cabanas. “As queixas de veciños e veciñas, referíanse a varios días, que mesmo lles impediron a abrir as fiestras”, segundo o voceiro municipal do BNG, Xoán Carlos González.