Acto de homenaxe as mulleres de San Simón

Cartaz A Portela
Acto de homenaxe as mulleres de San Simón

Dentro da conmemoración da semana da Patria Galega, o BNG de Redondela organiza un acto de homenaxe as mulleres de Redondela que dando un exemplo de dignidade, beleza e heroísmo, foron quen de tecer unha rede de solidariedade para levar un pouco de esperanza aos presos que o rexinme franquista enviou o campo de concentración de San Simón, entre os anos 1936 e 1945.
Mulleres de Redondela, Cesantes e A Portela, que poñendo en risco as súas vidas e as dos seus, déronlle algo de luz a vida daqueles homes, sen pedir nada a cambio.
Mulleres que amasaban bolas de pan e cociñábanlle empanadas de xoubas, que recollían as súas roupas e logo devolvían lavadas e na que mesmo cosían mensaxes de esperanza para tentar paliar todo aquel horror.
Todas elas serán homenaxeadas o sábado 20 a partir das 20:00 horas, nun acto que terá lugar na Portela, no final do paseo marítimo e que dende o BNG convidan a participación da veciñanza.
A presentación do acto correrá a cargo do Responsábel Local do BNG de Redondela, Anxo Lusquiños e contará coa intervención do deputado no parlamento galego Luis Bará Torres, quen sendo Director Xeral da Xunta durante o goberno do bipartito, impulsou a San Simón como Illa da Memoria e quen recolle no seu libro sobre a represión franquista en Galiza “Non des a esquecemento” a historia da xesta humanitaria destas mulleres.
O acto rematará cunha ofrenda floral no peirao da Portela, onde se porá fin a esta merecida homenaxe

 

Acto de homenaxe as mulleres de San Simón