Galiza Nova denuncia a actitude de persecución da mocidade redondelá por parte da policía do estado.

20200109133814
Foto: gcdiario

A Organización Xuvenil do Bloque Nacionalista Galego ven leva recibindo notificación por parte de diferentes persoas novas de Redondela de actitudes intimidatorias exercidas pola Policía Nacional do estado español.

Galiza Nova denuncia a actitude de persecución da mocidade redondelá por parte da policía do estado.

A organización Xuvenil do BNG denuncia que dende a Policía Nacional se está a levar a cabo unha campaña de intimidación e criminalización de sectores da mocidade redondelá.

 

Dende o pasado estado de alarma a presenza da Policía Nacional en Redondela é moito maior e está xerando situacións de desproporcionalidade nos seus labores, dun xeito máis acusado cando se trata da mocidade.

 

Galiza Nova vén de recibir varias queixas por parte de mozas e mozos de Redondela sobre as actitudes que está a ter a Policía Nacional para facer cumprir o seu traballo. Estas actitudes, segundo denuncian estas persoas novas, van dende a entrada sen autorización xudicial nun domicilio privado até a intimidación de grupos de menores de idade coa escusa de estar reunidas na rúa.

 

“Este panorama non é máis que o resultado da culpabilización da mocidade polos novos surtos de Coronavirus, cando non existen alternativas seguras de lecer para a xente máis nova que non estean ligadas ó consumo”, denuncian dende Galiza Nova.

 

Por esta razón, dende o nacionalismo xuvenil denuncian que a Policía continúa a exercer de xeito desproporcionado o que chaman cumprimento da lei, atacando a sectores desprotexidos como son a xente nova e xerando un clima de malestar e de culpabilización de veciñas e veciños de Redondela, como son a mocidade.

 

Así as mocidades do bloque piden que se aclaren estes feitos e que se tomen medidas dende os organismos competentes para que se deixe de estigmatizar e intimidar á mocidade de Redondela.

Galiza Nova denuncia a actitude de persecución da mocidade redondelá por parte da policía do estado.