O BNG defende manter o uso público dos viais de sempre empregados pola veciñanza
Xoán Carlos González, No camiño do Choupo de Chapela, PP e PSOE crearon un grave problema onde non había”
Un dos puntos da sesión plenaria de xuño centrouse na proposta do goberno de Digna Rivas de retirar do Inventario Municipal de Bens o Camiño do Choupo en Chapela. Por iniciativa dun particular, iniciouse un proceso de investigación. O camiño leva décadas sendo como rúa sen saída que presta servizo a varias vivendas e fincas particulares.
Malia que poderían ter votado en contra tanto PP como PSOE decidiron que este vial xa non vai ser veciñal. Isto significa que o alumeado público no seu día instalado polo concello, podería ser retirado, afirma o voceiro nacionalsita Xoán Carlos González Campo.
No debate o edil do BNG, afirmou que este vial camino de servizo a vivendas, empregouse dende hai décadas para dar servizo á casas que se foron construíndo. O camiño do Choupo medrou ao longo, con diferentes retranqueos. Agora crean PP e PSOE un problema onde non o había. Dende o BNG defendemos que o uso público dende hai décadas deste camiño, garantiría seguir empregándoo como para servizo de toda a veciñanza, sinala.
Actúa o Partido Socialista do mesmo xeito no camiño do Choupo que no camiño de Soutelo, dándolle a razón a particulares que demandan que camiños ou parte deles deben considerarse exclusivamente de uso particular, lamenta o voceiro nacionalista. Recoñece o cambio de postura da Agrupación de Electores, que agora si opúxose a que un camiño de uso público pase a ser considerado particular
Máis novas
