Chama a atención que se inicien estes trámites para efectivizar este compromiso, seis meses despois de que o goberno de Javier Bas anunciara a súa pretensión de levalo ao Multiusos da Xunqueira, ameazando á oposición que se non se apoiaban os orzamentos, non se podería executar. De xeito vergoñento chantaxeábase cun departamento tan  relevante na acción municipal.

Unha vez acadada a cesión, dende hai un ano Redondela dispón dun anteproxecto elaborado polos técnicos municipais. A estimación de 200.000€ para abordar a obra, permitirían levala a bo termo. Nin o famoso remanente, ou con partidas dos orzamentos ordinarios, nin fondos do Plan Concellos. Dende o goberno municipal afírmase que se utilizarán Fondos Europeos, para realizar a obra. Revisados os diversos proxectos postos en marcha con estas partidas, compróbase que ningún ten a ver co traslado do departamento. As prioridades, ulas?

Todo depende de cal debe ser o modelo de concello que se pretende implantar. Cómpre recordar como no seu momento o BNG afrontou a adaptación dos baixos do Pavillón de Chapela, con fondos municipais para crear unha nova unidade de atención social. Considerouse como actuación necesaria e prioritaria. A iniciativa, que agora ralentiza o goberno de Javier Bas de trasladar Servizos Sociais, vía convenio urbanístico xurdiu do traballo de crear unha verdadeira Rede en Redondela conformado por : Sede de Servizos Sociais en Redondela, Sede de Servizos Sociais en Chapela, Centro de Día de Cesantes, Centro de Día en Trasmañó, e Escola Infantil en Chapela. Os pasos que no seu día se deron, afianzaron parte destas actuacións, que malia o PP, estanse convertendo en realidade.

Demóstrase novamente que o goberno de Javier Bas actúa en función de intereses electoralistas, caprichosos, con falsidades e mentiras, construíndo unha imaxe idílica dunha Redondela que non existe. Mentres, quen padece, este goberno, é a veciñanza.