“Tomamos a iniciativa porque queremos que quede ben claro o noso apoio ao colectivo de traballadores e traballadoras. Agora estase falando do colectivo de administración, aínda que sospeitamos que no futuro pódese ampliar a outros colectivos”, afirma o voceiro nacionalista Xoán Carlos González. 

Segundo o voceiro do BNG en Redondela, “trátase dunha manobra para posicionar no mercado a Nova Pescanova, ao mellor postor. Non imos permitir que se xogue co futuro das traballadoras e traballadores, e co futuro da empresa ubicada en Chapela”, insiste. Dende hai meses a multinacional canadiense está presionando para adquirir o grupo, da que ABANCA é propietaria do oitenta por cen. 

Lamenta que a moción non se puidera ter debatido “porque o Partido Popular bloqueou o Pleno sen retirar ningunha das mocións que presentou”, afirma Xoán Carlos González Campo.

Actualmente varios centos de empregados e empregadas desenvolven a sua actividade na factoría. Insiste en que van a actuar a todos os níveis para asegurar que Nova Pescanova manteña a súa actividade nas mellores condicións en Chapela, asegurando o futuro dunha empresa que foi punteira a nivel mundial. Agarda que no vindeiro Pleno municipal se consiga un acordo para dar apoio ao futuro de Nova Pescanova.