“Con este encontro pretendemos que o grupo parlamentario teña en conta as necesidades de Redondela”, afirmou o voceiro do BNG Xoán Carlos González. Recordou que segundo as estimacións da organización nacionalista a débeda do goberno galego co concello redondelá ronda os 5 millóns de euros. “Iso non quere dicir que non sigamos facendo novos prantexamentos”, insistíu.

A deputada do BNG comprometeuse a manter unha liña de traballo directa con Redondela, pola súa dinámica, as súas necesidades e as demandas sociais que son xustas.

Entre os elementos que se vai traballar nestes catro anos as clásicas de defensa de servizos públicos como a sanidade, o Servizo de Axuda no Fogar, os servizos sociais, o ensino. “Tamén vai ter moito protagonismo exixir da Xunta políticas de vivenda pública, máxime en Redondela coa tramitación do PXOM”, mantivo a deputada Alexandra Fernández.

“Outros elementos que seguiremos demandando teñen a ver con humanizacións, dotacións culturais e deportivas, ou pular por un tre de proximidade onde o goberno galego, tén moito que dicir”, insistíu o edil nacionalista.