Afectados polas preferentes foron identificados trala suspensión do Pleno!

No pleno municipal convocado para esta mañá produciuse unha nova protesta dos afectados polas preferentes e que provocou que o pleno tivese que ser suspendido debido ao ruído e queixas a modo de protesta.

Tras isto a policía procedeu á identificación de tódolos afectados que estaban solicitando unha solución para o roubo dos seus aforros mediante procedimentos enganosos como son as preferentes e subordinadas, e que os obriga a tomar este tipo de protestatas xa que nin o goberno español nin a Xunta de Galicia están tomando solucións que solventen este roubo. Mentres o goberno local trata de suavizar a situación con boas palabras e xestos encabezados polo alcalde Javier Bas, que lles prometeu unha "solución" que non chega.

Trala identificación, o goberno local dispoñíase a continuar o pleno, cousa á que o BNG se opuxo levantándose do mesmo e poñéndose de parte dos afectados, quedando o PP só na celebración do pleno.

O BNG oponse a estas medidas antidemocráticas e antisociais que está levando a cabo o goberno local poñéndose de parte da banca e dos poderes financieiros e esquecéndose de que o roubado son os soldos de moita@s traballador@s que están pasando hoxe, si cabe, máis que nunca, unha situación crítica como a que estamos a ver. O BNG quere transmitir así o noso máis sinceiro apoio e permanecerá firme neste tipo de actuacións sempre do lado dos afectados.