Dende o BNG amosan a súa preocupación por esta nova proposta, que xunto á eliminación da presencialidade nalgún dos ciclos formativos do IES Chapela, constitúe un novo barapau ao ensino público en Redondela.

Segundo explica o voceiro nacionalista Xoán Carlos González Campo a intención de amortizar unha praza de mestra de Educación Infantil vai en contra da calidade do ensino público en Redondela. “Nesta franxa de idade cómpre unha atención máis cercana e individualizada a todo o alumnado que se estaba logrando coa figura desta mestra”, sinala. “Igualmente a integración do alumnado con necesidades de apoio específico que se estaba acadando na Marisma vaise ver lastrada”, afirma.

Entende o edil nacionalista que o criterio da consellaría debe ser o de potenciar o ensino público cos medios e recursos necesarios “máis aínda na franxa de idade de 3 a 6 anos, cando se establecen as bases educativas para as futuras aprendizaxes”, salienta. Agarda que haxa unha rectificación, e se manteña a praza agora en risco de seren eliminada.

Súmase Xoán Carlos González Campo á convocatoria de manifestación da CIG, na mañá do martes 27 en Compostela en defensa do ensino público. “Tamén seguiremos presionando para que a FP no IES Chapela, volva a ser presencial en todos os ciclos”