Consideran que arredor duns trescentos metros orzamentados, non se construíron.

Despois de varios meses dende que se remataran as obras de ampliación da estrada provincial PO 2906, Os Valos-Guizán, dende a organización nacionalista advirten de numerosas irregularidades. Beirarúas que non se construíron, peches de fincas sen levantar, infraestructuras orzamentadas sen levar a cabo, son algunhas das actuacións que botan en falta.

Consultado pola organización nacionalista o Proxecto que existe no Concello, asinado en novembro de 2013, prantexaba unha obra de 1.5km. Neste Proxecto recollíase a construcción de beirarúas en ámbalas dúas marxes, ampliándose a vía ata os 9,60m. Tamén se construirían balados perimetrais para o peche das distintas fincas de ata 1m. de altura. Destacan dende a organización nacionalista que a obra prantexaba a reposición de infraestructuras como o alumeado público, abastecemento de augas, rede eléitrica ou telefónica.

A obra de ampliación da estrada PO 2906 Os Valos-Guizán supuxo un investimento de 1.200.000€. 1.000.000 posto pola Deputación e 200.000 aportados polo Concello de Redondela.

“Agora comprobamos como unha parte importante da obra planificada, non se levou a cabo. Concretamente dende o punto kilométrico 2.300 na marxe dereita, en sentido Guizán, e dende o 2.100 na marxe esquerda están sen facer. Nin beiravías, nin peches, nin infraestructuras”, afirma o concelleiro do BNG, Xoán Carlos González. Pola contra levantáronse auténticos murallóns de máis de metro e medio.

Para o BNG trátase dunha desviación de fondos que afecta a unha obra de carácter público. Cargan as tintas principalmente no anterior presidente da Deputación, Rafael Louzán. A Deputación, propietaria da estrada, e principal inversora do Proxecto, tén a súa responsabilidade, mais o Concello de Redondela, co seu alcalde Javier Bas á cabeza, exerceu cando menos de cómplice por omisión. Recordan que o concello aportou 200.000€, e debería ter realizado un seguemento estricto desta obra. “Para nós unha cacicada en toda regla. Existe un Proxecto, primaron unhas actuacións en interese partidista, abandoando a outros veciñ@s”, afirma o concelleiro nacionalista.

Trátase dun claro exemplo do que para o PP supón o exercicio do poder, convertindo a Deputación na súa parcela particular, que únicamente se servían de fondos públicos para cubrir os seus intereses particulares e de partido.