Ante a inacción e mesmo obstrución municipal, o colectivo viuse obrigado a iniciar

medidas legais contra o particular, asumindo todos os custos. Finalmente, os xulgados

deulles a razón recoñecendo o uso público deste paso ata o mar.

 

O noso voceiro Xoán Carlos González expresou a súa preocupación polo abandono ao que foron sometidos este colectivo por parte do goberno municipal de Redondela. Todos os esforzos tentando que o goberno municipal asumira a responsabilidade de defender os intereses públicos tiveron unha resposta negativa. Durante meses o noso grupo municipal intentou procurar o apoio tanto do PSOE coma do PP, mais decidiron ignorar a problemática.

 

Estamos ante un claro exemplo de desinterese vergoñento e abandono de funcións por

parte do concello na defensa dun espazo público. Exiximos que o goberno municipal garanta de inmediato a posibilidade de acceder ao mar en Soutelo.

 

Destacamos o apoio que dende o BNG prestamos a esta xusta loita protagonizada por un grupo de veciños e mariscadoras que deron a cara polo dereito das redondelás de poder pasar libremente ata o mar en Soutelo. A persoa liberada no concello a cargo do BNG, e cesada pola alcaldesa Digna Rivas, foi crucial no proceso e asesorou constantemente ao colectivo.

 

Esta implicación do persoal a cargo do BNG foi o derradeiro episodio para que se

puxeran de acordo PP e PSOE no seu cese. Ademais, o goberno de PSOE e AER, xunto co silencio do PP, tiña previsto recoñecer en pleno que as escaleiras pertencían a este particular. Por iniciativa do BNG paralizouse esta proposta plenaria.

 

Dende o BNG de Redondela tamén levamos a problemática ao Consello Parroquial de Cedeira para poñer en valor a iniciativa do colectivo de veciños. Quixemos que o resto da parroquia amosara o seu apoio e recoñecemento a estos veciños e veciñas xa que o goberno municipal do PSOE non o fixo.