Campaña do BNG en apoio ao comercio de proximidade de Redondela.
Coincidindo coa campaña de Nadal, e ante a proximidade das Rebaixas a organización nacionalista anima a mercar no comercio de proximidade. A consolidación do pequeno comercio en Redondela vila, e Chapela deben garantir que Redondela consiga manterse como alternativa ás grandes superficies comerciais.
Durante a xornada do venres, un grupo de militantes do Bloque Nacionalista Galego, desenrolou unha campaña informativa entre comerciantes e veciñ@s. A posta en valor do comercio de proximidade, converteuse nun dos referentes sobre o que se asenta a acción de goberno da organización nacionalista.
O comercio de proximidade garante os circuítos curtos dos produtos primarios, tanto da terra como do mar. Ademais permite a consolidación de postos de traballo e tamén a dinamización social dos núcleos urbanos.
O tecido empresarial de Redondela, ten no comercio de proximidade un dos seus sectores máis dinámicos e consolidados. O BNG, sempre apoiou, e vai seguir apoiando aquelas iniciativas que garantan o seu futuro.
As políticas emanadas, tanto dende o goberno central como o da Xunta, fomentando as grandes superficies e liberalizando os horarios comerciais, puxeron, xa hai anos, en xaque este importante sector da nosa economía.
A campaña en apoio ao comercio de proximidade de Redondela, pretende salientar a importancia deste sector, que debe ser mimado polas diferentes administracións.
Esta Campaña do BNG, é continuidade da xa desenvolvida pola organización local en defensa do comercio do casco urbano, cando o goberno de Javier Bas, apostou polo centro comercial no Canabal. Agora, como daquela, deixou ben ás claras, a organización nacionalista, o seu compromiso co pequeno comercio e o comercio de proximidade.
Esta Campaña de defensa co comercio de Redondela, vai ter continuidade nos vindeiros días no casco urbano de Chapela.
