Mari Carmen Amoedo, converte o Consello Parroquial de Negros nun mitin de Campaña.

Mari Carmen Amoedo, converte o Consello Parroquial de Negros nun mitin de Campaña.

Asume o papel de membro do goberno, cando unicamente se trata dunha representante do Partido Popular. Dende o BNG, consideramos que se trata dun novo capítulo do papel que Javier Bas, e os seus, lle imprimiu aos Consellos Parroquiais.

Na celebración do derradeiro dos Consellos Parroquiais do presente mandato, convocado na parroquia de Negros, debatéronse os “orzamentos participativos”.

Nesta xuntanza, volveuse escenificar o papel que o Partido Popular lle asigna aos órganos de representación veciñal: a de mero transmisor das iniciativas do goberno de Javier Bas. Segundo o concelleiro nacionalista, Xoán Carlos González, “no canto de seren o presidente do Consello quen prantexe as propostas e iniciativas do goberno, trátase do representante do PP, quen leva a voz cantante”.

Neste sentido destaca que se incumpre totalmente o regulamento dos consellos parroquiais, nos que cada forza política debe desenvolver o papel que se lle asigna. “Trátase, unha vez máis, de que o PP fagocita as institucións e órganos de representación en beneficio propio”.

Neste papel, destaca Mari Carmen Amoedo, que exerce como representante do Partido Popular en diversos Consellos Parroquiais, como o de Cedeira ou Negros. O último dos  espectáculos protagonizouno durante o derradeiro Consello Parroquial de Negros, onde ninguneou constantemente ao presidente, Julio Alonso, co que se demostra quen manda verdadeiramente no PP de Redondela.

“O último destes Consellos converteuse nun verdadeiro mitin do Partido Popular. A representante desta forza, Mari Carmen Amoedo, era a encargada de enumerar todas e cada un das obras do goberno de Javier Bas, mesmo aquelas non realizadas, competencia doutras administracións”.

“Trátase unha vez máis de que o PP, pretende facer súas as institucións, dende a Xunta de Galiza, pasando polas Deputacións e os concellos, ata os Consellos Parroquiais, como os de Redondela”, afirma Xoán Carlos González. “Acreditamos en que a partires do 24 de maio, o conxunto da cidadanía redondelá, moi comprometida cos dereitos dos veciños e veciñas, vaille dar un cambio de rumbo ao goberno municipal de Redondela. Existe un importante capital humano no noso Concello que o BNG vai aglutinar, que rexeita frontalmente o caciquismo que representa o PP”, conclúe.

 

Mari Carmen Amoedo, converte o Consello Parroquial de Negros nun mitin de Campaña.