Preocupación no BNG ante a posibilidade de recortes servizos de trens
Xoán Carlos González, “Sospeitamos que as restriccións polas obras, poden ser aproveitadas por ADIF para eliminar liñas”
As obras de mellora da liña férrea que se están executando nas liñas do Miño, e Guixar-A Coruña, son valoradas positivamente pola organización nacionalista. Trátase de fomentar un transporte público máis eficiente e respectuoso medioambientalmente. Nembargantes, dende o BNG amosan a súa preocupación porque a supresión temporal do servizo Guixar-Redondela, poida supor unha supresión definitiva de diversos servizos.
O voceiro nacionalista, Xoán Carlos González advirte desta posibilidade real. “Sospeitamos que ADIF, aproveite a conxuntura para eliminar paradas e mesmo servizos”, comenta na súa nota. Recorda que durante a pandemia, e pospandemia ADIF aproveitou para eliminar servizos de tren, paradas, e mesmo a atención personalizada na estación de Redondela-A Portela, polas tardes.
“Imos realizar un seguemento exhaustivo no momento que se volva repor o servizo ferroviario”, compromete Xoán Carlos González. Recorda a aposta decidida do BNG por un transporte público como o que ofrece o tren, “do que o noso concello pode saír moi beneficiado”.
Segundo manifestou, “debemos traballar para que no noso concello se dispoña dun servizo de trens que nos una con rapidez coas dúas cidades veciñas, e a frontera portuguesa”.
Máis novas
