Na sesión ordinaria do Pleno da Corporación redondelá, debatirase unha moción asinada polo voceiro nacionalista “rexeitando o Macroproxecto Comercial do Celta no veciño concello de Mos, e en defensa do pequeNo comercio”.

Dende o BNG, entenden que a proliferación de grandes superficies comerciais na área de influencia da cidade de Vigo, “poden supoñer o peche definitivo de centos de pequenos comercios, e a desaparición de miles de postos de traballo”. “A grave crise por mor da extensión da epidemia do COVID-19, supuxo a parálise da actividade comercial durante dous meses, situación que se vai a ver agravada no futuro inmediato”, sinala o edil nacionalista.

Aposta por tomar  iniciativas que afecten á Área Metropolitana de Vigo, en defensa do comercio local.

O Proxecto promocionado polo Celta de Vigo pretende expropiar 183.715 m2 pertencentes ao monte en man común de Tameiga (18,7% do ámbito) e 145.251 m2 propiedade da CMVMC de Pereiras (14,8% do ámbito), terreos que perderían a súa función eminentemente social e ambiental pasando a formar parte du negocio especulativo privado.

Para o BNG este proxecto constitúe un claro exemplo de pelotazo urbanístico, con nefastas consecuencias para o pequeno comercio e de proximidade de Redondela, empregando como subterfuxio unha suposta “necesidade deportiva” para instalar unha grande área comercial. Está prevista a construción de 142 locais comerciais, 12 de restauración e varios “de lecer”. No canto de utilizar a planificación urbanística para favorecer a especulación e a desfeita do territorio, débese promover unha ordenación racional e a protección dos usos sociais do monte.

O voceiro municipal redondelán denuncia a actitude do Partido Popular e do goberno da Xunta que, dende hai décadas “defende a instalación destas grandes superficies comerciais en competenza desleal co comercio de proximidade”. Prantexa, Xoan Carlos González,que o concello demande da Xunta unha moratoria por dez anos, para a instalación destas grandes superficies comercias na área de Vigo.

“Dende o BNG apostamos por promocionar o pequeño comercio, o comercio de proximidade, de calidade, xerardor de empregos e riqueza, ademáis de dinamizador da economía local e da vida en concellos como Redondela”.