Destacou a voceira nacional, no seu encontro con diversas profesionais do sector, a calidade do produto que ofertan, ademáis do compromiso que están a demostrar.

Pola súa banda Xoán Carlos González, salientou que no comercio local, as prazas de abastos “convértense en pezas chave para manter dinámicas económicas que aseguran o futuro dun concello como Redondela”. Cargou contra o Partido Popular, que mesmo tén votado en contra de iniciativas nacionalistas que rexeitan áreas comerciais en concellos veciños en defensa do pequeno comercio

Ana Pontón reclamou medidas contra a escalada de prezos da alimentación “que esconde un alto grado de especulación”. Ante esta situación propuxo IVE cero para os alimentos que conforman a cesta básica das familias. Tamén propuxo aumentar o número de alimentos de IVE súper reducido.

Igualmente defendeu a creación dun Observatorio Galego de Prezos. “Hai que evitar que os de sempre paguen a crise mentres outros se enriquecen”, enfatizou