Apoio do BNG ás reivindicacións da comunidade educativa do IES Mendinho

Xoán Carlos
Xoán Carlos González voceiro do BNG de Redondela
Xoán Carlos González considera “inxustificábel” que a consellaría non priorice manter as ratios como nestes anos de pandemia.
Apoio do BNG ás reivindicacións da comunidade educativa do IES Mendinho
Dende a organización nacionalista veñen de valorar a situación de recortes denunciada pola comunidade educativa do IES Mendinho de Redondela. “Eliminar ata catro profesores ou profesoras en educación secundaria, vai supor que moitos mozos e mozas se desleixen do sistema educativo”, consideran. “Trátase dunha liña ben trazada dende o Partido Popular, quen sempre considerou que o ensino máis que un dereito, era un privilexio, e que o que se necesita é man de obra xoven e barata”.
Dende o BNG, apoian as reivindicacións da comunidade educativa. “Asistimos a un recorte brutal no Mendinho, mais que supoñemos que vai afectar ao resto de centros de ensino de Redondela, tanto de secundaria como de primaria”. “A estratexia da consellaría, e a de anunciar os recortes, cando xa entramos en periodo vacacional, para que as familias non poidan presionar e se desmovilicen” aseguran.
A situación agrávase en cuarto da ESO, ao mante o mesmo número de alumos do curso pasado, eliminando unha das unidades, “co que as ratios por aula, superará os 30 alumnos e alumnas”, sinalan. Outros cursos que se verán afectados na redución dos catro profesores e profesoras, serán primeiro de ESO e de Bacharelato.
Pónense a disposición das familias, para empezar a moverse durante as vindeiras semanas, co obxectivo de manter as ratios similares á pandemia. “Deste xeito, trataríase dun ensino máis personalizado, máis efectivo, que tén como protagonista ao alumno ou alumna”, consideran.
Pola súa parte o voceiro municipal Xoán Carlos González, lamenta que “unha vez máis o PP, dálle as costas ao noso alumnado, facéndose necesario volver a mobilizarse e presionar”. “Nestes momentos nos que os mozos e mozas, e as familias deberían desconectar, e reforzarse para o vindeiro curso, outravolta a consellaría pón paus na roda para deteriorar o ensino público”.
“Atopámonos nun periodo de dar resposta a moitas necesidades que o alumnado está a prantexar. Foron dos sectores máis afectados, e que mellora aguantaron a pandemia, e cuxos efectos secundarios aínda están por aflorar” considera no voceiro do BNG. “Imos prestar toda a nosa colaboración para que a consellaría recúe, mantendo as ratios destes últimos anos, nos centros educativos do noso concello”, remata na nota Xoán Carlos González.
Apoio do BNG ás reivindicacións da comunidade educativa do IES Mendinho