A escasa información que se concreta na nova define o que xa todo o mundo sabe, que tanto PP como PSOE falan o mesmo idioma ao referirse a humanizacións. Os resultados de presuntas humanizacións promocionados por ambas forzas, limítanse a unha serie de obras que serven para renovar infraestructuras obsoletas, novas beirarrúas e asfalto.

Dista esta liña de traballo coa verdadeira recuperación de espazos urbanos para uso e disfrute dos nosos veciños e veciñas, que defende o Bloque Nacionalista Galego de Redondela. Trátase de que aquelas zonas máis castigadas polo tráfico, onde a xente queda reducida e un segundo plano, se faga dona do espazo público. Trátase de todo un reto, dun cambio de mentalidades, de novas políticas que de verdade aposten polas persoas. Un reto que dende a nosa organización estamos dispostos e dispostas a afrontar.

Demandaremos que a reforma da avenida de Vigo, aumente o tamaño das beirarrúas, que se reduza a velocidade do tráfico e que haxa máis medidas de seguridade para a veciñanza de Chapela.