“A Atención Primaria convértese no primeiro instrumento que o noso sistema de saúde debe mellorar, para atender á poboación”, sinalou o voceiro nacionalista Xoán Carlos González. “Trátase dun recurso preventivo, que ataca as doenzas, para evitar a saturación da urxencias, e dos hospitais”, recordou ao longo da intervención.

“Os diversos gobernos da Xunta, veñen erosionando a calidade do sistema sanitario aumentando as listas de agarda, pechando puntos de atención continuada, urxencias, contratacións en precario”, denunciou o vocerio nacionalista. Recordou que “cada ano redúcense os orzamentos para Atención Primaria, fomentado a sanidade privada e hospitalaria, onde se fai o verdadeiro negocio coa nosa saúde”.

“A Plataforma S.O.S. Sanidade Pública segue nas súas movilizacións, convocando a todos os galegos e galegas á Manifestación do 12 de febreiro en Compostela. Debemos recuperar nas rúas o que nos están quitando”, sinalou finalmente Xoán Carlos González.