Dende o Bloque Nacionalista Galego de Redondela, plantexouse unha emenda aos orzamentos da Xunta para o ano 2021, que pretende paliar en parte esta carenza. A administración competente nesta materia, posto que se trataría de obras maiores, é o goberno galego.

Un millón de euros para construír estes patios, que se xa de por si son necesarios en condicións normais, moito máis nunha situación de crise sanitaria como a actual. Os pequenos e pequenas, necesitan espazos para relacionarse, espazos de encontro, de xogo, … Moitos deles e delas están a sufrir durísimas restricións, polo que o entorno escolar cumpre unha dobre función: a educativa e a de esparcemento e lecer.

Coa insensibilidade que o caracteriza, o Partido Popular, co deputado Alberto Pazos na cámara galega, votou en contra desta iniciativa, sen ter en conta as nosas argumentacións. A promesa de construción do patio cuberto do colexio Santa Mariña, fora unha das farsas orquestradas por Javier Bas, cando era candidato á alcaldía no ano 2011. Mentiras que o paso do tempo, certificou. Vólveselle dar as costas ao ensino público.