Ao longo da súa intervención o voceiro nacionalista, Xoán Carlos González Campo recordou que nos últimos anos a Urbaser abríuselle un expediente de penalidades por incumprimento de contrato. Finalmente os xulgados déronlle a razón á empresa. Igualmente repasou varios incumprimentos por parte da empresa nos últimos anos como a falla de limpeza de contedores, a non reposición dalgún deles ou mesmo a falta de recollida nalgunhas parroquias despois de días festivos.

Puxo enriba da mesa, o edil nacionalista, que por outra banda o concello estalle a pagar á empresa “parte da recollida dun lixo que xa lle obriga o contrato como os electrodomésticos, enseres, colchóns e mobles”. Segundo a información de que dispón, unha media de 4.000€ mensuais. “Agravándose a situación porque este proceso selectivo realízase en terreos municipais”.

Considerou finalmente o grupo do BNG que estas exixencias deben ser cumpridas para poder contar co seu apoio. “Trasladamos ao Pleno a voz e o malestar de parte da veciñanza que nos traslada o seu malestar pola mala recollida do lixo”, sinalan finalmente.