Pola súa banda o voceiro municipal Xoán Carlos González Campo, considera que se trata do inicio dunha nova andaina na actividade do movemento asociativo de Quintela. A partires de agora as asociacións de montes, veciñais, augas, ou culturais, disporán dun centro de carácter público para poder desenvolver as súas actividades.

Rexeita o circo mediático protagonizado por PSOE e PP, “para que se lles recoñeza o mérito da obra, cando foi a determinación do movemento asociativo de Quintela quen conseguíu o éxito”.

Destaca o edil nacionalista, que como integrante do Consello Parroquial de Quintela trátase dun avance para un consello que vai poder desenvolver a súa actividade en mellores condicións. En Quintela tiñan que reunirse no Colexio Público. Lamenta que estos consellos non se están a celebrar dende hai anos, mais amósase optimista porque coa próxima volta do BNG ao goberno municipal, “imos impor a normalidade dos consellos”

Sinala Xoán Carlos González Campo que “estamos en disposición de manter xuntanzas cos colectivos parroquiais para asumir como propias as súas demandas no eido cultural, participativo e de apoio ás entidades de Quintela”.

“A nosa primeira medida relacionada co novo local de Quintela, é demandar ao goberno municipal que realice as oportunas xestións para que as eleccións municipais de maio poidan celebrarse nel. Unha ubicación máis céntrica, e máis accesible co que se facilitaría a participación dos veciños e veciñas nas vindeiras eleccións municipais”, sinala na nota Xoán Carlos González Campo