Denuncian desde a organización nacionalista que case 15 días máis tarde de ter presentado unha instancia no concello alertando desta situación aínda non recibiron resposta por parte da Alcaldesa Digna Rivas e tampoco houbo ninguna actuación para frear as verteduras. 

A concelleira Jessica García, destaca que “as verturas no Alvedosa son sumamente contaminantes e afectan de forma moi negativa ao ecosistema, especialmente ás parroquias de Ventosela, Reboreda e o propio casco urbano que está a ser a clooca onde o Concello de Pazos verte”. Ademais dende a organización local están preocupados pola repercusión que estas verteduras podan ter sobre a Enseada de San Simón, e alertan “que isto afectará a actividades económicas como a pesca e o marisqueo; así como a degradación da Enseada que a pesar de estar en Rede Natura continúa a ser maltratada”.    

Rematan a súa nota asegurando que “non podemos seguir permitindo que se continúe contaminando o cauce fluvial do Alvedosa e que o goberno local non actúe con actuacións concretras”. Tal e como explica a concelleira García “necesitamos unha resposta rápida por parte do goberno local  para que o Alvedosa non se converta nunha cloaca contaminada. Debemos ser quen de protexer os nosos ríos e a nosa contorna”. 

Por esta razón o BNG de Redondela e o BNG  Pazos de Borbén levarán esta cuestión ao parlamento a través da deputada Alexandra Fernández que xa presentou diversas preguntas sobre esta cuestión.