O Grupo Municipal do BNG de Redondela pide que a  Concellería de Urbanismo informe das modificacións  do proxecto  presentadas pola empresa Unión Comercial de Redondela para o  Centro Comercial Canabal-Vilavella. Este é un tema de vital importancia que, ao noso xuízo,  afectará negativamente a este sector no noso concello, e pondo en perigo moitos postos de traballo no pequeno comercio de proximidade, sector que sempre defende o BNG.

Dado que son os grupos políticos os que finalmente decidirán nun pleno, é  imprescindible  que non só os empresarios, senón tamén que as formacións  políticas que integran a corporación estean perfectamente informados das modificacións propostas pola empresa.

Outra vez a dobre moral do PP ponse en evidencia. Fártanse de dicir que sempre buscan o maior consenso    e finalmente  practican  a desinformación e o ocultismo cos grupos da oposición en  proxectos de tanta transcendencia coma este.

 En consecuencia o BNG ven de solicitar hoxe  por un lado a convocatoria urxente da comisión de urbanismo para que se  dea información  da modificación do proxecto para o Centro Comercial Canabal- Vilavella e por outro  unha xuntanza coa  directiva da Asociación de Empresarios para tratar este tema.