“Volveu demostrar a súa debilidade Digna Rivas e o seu goberno, mais tamén o desinterese por chegar a acordos en cuestións de calado para os e as redondelás”, afirmou o voceiro do BNG Xoán Carlos González.

Ao longo do debate quedou patente a vontade do Bloque Nacionalista Galego de querer dialogar e chegar a consensos, “cando pola parte proponente, neste caso o goberno de Digna Rivas, quérese contar coa nosa opinión”, indicou. Mentras a estratexia sexa a de presentar iniciativas porque lle obriga a lei, non garanten o seu apoio. Unha conducta “sospeitosa” de que o que se pretende é forzar á organización nacionalista a aceptar calquera proposta que emane do goberno municipal sen negociar.

Marca distancias Xoán Carlos González da actitude de Digna Rivas. “É certo que nos informan de iniciativas que xa teñen tomadas, como o ascensor da Subida á Estación, mais só a iso”, lamenta. “Ao longo do debate plenario volvemos a tender a man para dialogar, debater e acordar, e nesas seguimos”, recalca o voceiro nacionalista