Unha nova mobilización convocada pola central nacionalista CIG, tivo lugar esta cuarta feira na cidade de Vigo. Dende a Vía Norte e ata o edificio administrativo da Xunta, preto de dez mil manifestantes demostraron unha vez máis o pulso na rúa contra as medidas neoliberais dos gobernos do PP.

Nunha manifestación, que como recordaba o secretario comarcal da CIG, Serafín Álvarez, “tamén serve de apoio aos compañeiros e compañeiras de Ferrolterra que acadaron un paro histórico dunha das comarcas máis industrializadas do País”.

Os miles de manifestantes chegados dende diferentes partes do sur da provincia, viñeron a demostrar unha vez máis, que aínda que a dereita e a complicidade dos sindicatos de corte españolista, na Galiza imos a paralos. Futuro para unha comarca, como a de Vigo, cun importante peso industrial, máis tamén para os servizos públicos. Un sindicalismo nacionalista e de clase, combativo ao que non lle van doer prendas para enfrontar as políticas antisociais dos gobernos da UE, estado español e galego.

Na súa intervención, o secretario xeral da CIG, afirmou que “nin os medios de comunicación ao servizo do poder, como o Faro de Vigo, van a acalar a acción social e reivindicativa do nacionalismo galego”.

Uns 50.000 parados e paradas en todo o sur da Provincia, miles de familias que carecen de calquera tipo de subsidio ou axudas, perda de carga de traballo no naval, desmantelamento dos servizos públicos, miles de mozos e mozas na emigración. O panorama poida que sexa desalentador, mais dende o nacionalismo séguese a traballar pola viabilidade do País. Así se expresou na súa intervención Serafín Álvarez.

Aproveitou a ocasión para recordar a todos os asistentes que a CIG, está traballando para a convocatoria dunha nova Folga Xeral no País, contando ou non co apoio dos sindicatos  españois.

A manifestación contou co apoio e presenza do Bloque Nacionalista Galego. Militantes de Redondela tamén participaron nesta nova mostra de loita na rúa contra as medidas neoliberais do goberno español e da Xunta.

[gallery link="file" order="DESC" columns="2" orderby="title"]