Esiximos que se dea puntual información sobre a situación, e se estuden as medidas a adoptar.

Ante a grave situación creada polas obras de renovación do teito do Multiusos de A Xunqueira o grupo municipal do BNG, tomou a iniciativa. Ante a falla de información que debería ter dado o goberno de Javier Bas, “solicitamos a convocatoria urxente da xunta de voceir@s para que se poñan todos os dados enriba da mesa, e mesmo se tomen iniciativas consensuadas”.

Membros do Consello Local, coñeceron “in situ” a situación das obras, calificándoo de “auténtica trincheira”. Parte do teito do Auditorio caído, e auga caendo a chorros  por un sistema de iluminación recén estreado, o chan de madeira levantándose; chan anegado, por onde pasan os usuarios e usuarias do Multiusos (algo máis de douscentos diarios); falsos teitos desprendidos; paredes polas que cae auga continuamente; o almacén da biblioteca cuberto con plásticos;... Os efectos desta situación poden prolongarse nos vindeiros meses.

Xa dende o fin de semana se empezaron a notar as obras, principalmente no segundo andar, e no auditorio. “Agora, a nosa máxima preocupación constitúea a seguridade dos usuarios e usuarias do Multiusos”.

“Imos esperar a que se nos dea a información, e prantexar medidas urxentes, e drásticas se chega o caso”