De auténtica “chanchullada” consentida pola alcaldesa calificou Xoán Carlos González que se pagaran varias facturas por valor de 2.000€ a unha empresa nas que “o voceiro de AER foi apoderado, un exconcelleiro de AER é comercial, e o concelleiro de vía e obras de AER abona a factura”. Nestos termos denunciou o que está a suceder en Redondela.

Levar a pleno estas facturas, é un requisito legal imprescindíbel para poder abonalas. “Malia que se trata de gastos cos que non temos nada que ver, asumimos a nosa responsabilidade de apoiar cos nosos votos para que se abonen”, aclara Xoán Carlos González. Insistíu no compromiso do BNG coas pequenas empresas que dependen do seu voto para o cobro destas factura.

Un total de 1.200 facturas que se adebedaban do ano anterior tiveron que se recoñecidas a traverso dunha modificación de crédito. Prácticamente a metade correspondían a consumo eléctrico de instalacións municipais, e alumeado público.

O resto das facturas adebedadas polo goberno PSOE-AER, correspondían a distintas adquisicións, servizos que mesmo estaban pendentes de pago dende outubro de 2024. Moitos destes pequenos negocios, comercios, entidades desenvolven a súa actividade no noso concello. Partidas esgotadas que se cargan ao novo orzamento do ano 2025.

Pola súa parte o PP, continúa a facer o seu boicot sistemático sen apoiar novamente o pago de facturas.