Nalgunhas zoas as pantallas superan os sete metros sobre a rasante, o que impacta na falta de luz solar “dunhas cinco horas”. Outro dos efectos negativos refírese a que “cando hai ventoleira, rebota nas pantallas facendo un remuíño nas fincas e vivenda próximas”.

O voceiro nacionalista Xoán Carlos González, informoulles que a instancias do deputado no Congreso e no Senado, presentaran xa varias iniciativas para que o ministerio e ADIF, buscaran unha solución ao problema.

Neste sentido o edil nacionalista considerou un agravio que “mentras en Chapela houbo varias asembleas informativas para modificar o proxecto de pantallas acústicas da Autoestrada, no caso que nos ocupa non se lles facilitou información algunha aos veciños e veciñas”. Tamén destacou que no primeiro caso o concello presentou alegacións, “mentras que en Torres Agrelo non puxeron en marcha este mecanismo que podería ter cambiado o negativo impacto das pantallas”.