Dende hai un mes os cargadores de vehículos eléctricos instalados na avenida de Vigo, en Chapela, e no Paseo da Xunqueira non funcionan. Dende o goberno municipal non se facilita ningún tipo de información verbal, aos usuarios e usuarias, nin por escrito ao Bloque Nacionalista Galego. 

Estes cargadores instalounos o goberno de Digna Rivas en xullo de 2021, con fondos procedentes dunha subvención de 43.000€. Serviulle esta axuda á alcaldesa para presentarse como abandeirada no fomento de uso de coches máis ecolóxicos. “Hoxendía, o silencio sobre a situación destes cargadores, e o que vai suceder no futuro con eles demostra que se  tratou dun acto de publicidade e propaganda utilizando cartos públicos”, afirma o voceiro do BNG Xoán Carlos González.

Dez días despois do escrito asinado polo edil nacionalista no que se solicitaba información sobre a situación destes cargadores “ninguén do goberno de Digna Rivas fíxose responsábel”, denuncia.

Considera, Xoán Carlos González, que detrás das subvencións e propaganda non existe ningún tipo de política de fomento do vehículo eléctrico no noso concello. Exixe unha rápida solución a esta falta de servizo