A suplencia desta persoa, estase realizando con persoal do concello. “Nada sabemos que vai suceder con esta figura de coordinación. O que si instamos é á alcaldesa Digna Rivas a solucionalo de inmediato, e poñer fin a esta nova crise de goberno”, declara o voceiro nacionalista Xoán Carlos González.

Esta figura de libre designación ocupa un lugar fundamental no organigrama de goberno. Ademais de manter ao día a axenda da alcaldesa, e xestionar a doutros concelleiros e concelleiras, “atende directamente a aqueles veciños e veciñas que solicitan encontros con responsábeis do goberno e alcaldesa”. A chegada do período estival, a necesidade de poñer ao día á nova persoa responsábel da coordinación vai supor unha nova ralentización da xestión do goberno.