Novas

A este mal acordo para a flota do cerco galega (outro máis), temos que sumar a  rebaixa da cota da xarda, nun 20%  e que as posibilidades da pesca da anchoa é ridícula, xa que esta redúcese ó 1,14% do cupo do estado español, tan  só 68,1 toneladas

Esta situación fai que algúns deste barcos se atopen amarrados a porto e cun futuro moi incerto. “Non podemos saír a faenar, gastamos máis en  combustible do que gañamos” comentan os armadores.

Sinalar que mentres que o goberno portugues subvenciona aos barcos do cerco que se atopan amarrados, o goberno español coa complicidade da Consellería do Mar, decidiu non dar ningún tipo de axuda a esta flota.

A situación deixase notar gravemente na economía de moitas familias do noso concello, xa que a meirande parte da flota do cerco da ría de Vigo, pertence a armadores de Redondela, son unhas 30 embarcacións e mais de 300 tripulantes.

A grave situación económica pola que  que están atravesando estas familias, debería ser suficientemente importante para que dende o noso concello se tomaran cartas no asunto. Dende o BNG de Redondela o seu Responsábel Local, Anxo Lusquiños, considera que o alcalde volveu a amosar o seu desleixo polos problemas reais que afectan a numerosas familia. “Nin sequera tivo o xesto de terse posto en contacto con estes armadores para coñecer de preto esta situación”. Sinala o apoio e a solidariedade da formación nacionalista coa flota do cerco de Redondela e póñense a súa disposición para o que consideren oportuno

Reclamámoslle a Javier Bas que asuma a súa responsabilidade, e que de maneira urxente solicite unha xuntanza coa Conselleira do Mar, para trasladarlle a preocupación por esta grave situación e esixir medidas que eviten a desaparición desta actividade pesqueira de tanta relevancia económica e social na vida do  noso concello, remata na súa nota Lusquiños.

“Trátase dun servizo desbordado, e moi deteriorado pola administración galega”, afirman.

Por medio da moción presentada no Pleno de Redondela, dende o BNG solicitan o apoio ás mobilizacións e folga da xustiza. Uns 2.500 traballadores e traballadoras, levan xa seis semanas reclamando melloras na institución de xustiza que beneficien ao conxunto da cidadanía.

No corpo da moción, que será defendida polo concelleiro Xoán Carlos González, recóllense as demandas destes empregados públicos, que sobordan as subas salariais. En concreto refírese a consolidación de postos de traballo con máis de tres anos na mesma praza; a reposición de máis de 100 prazas amortizadas nos últimos anos; a retirada dos descontos en caso de Incapacidade Temporal; ou a compensación económica no caso de que se cubran postos de maior categoría.

“Lonxe de tratarse dunha folga unicamente por demandas de aumento salarial, tal como pretende facer crer o presidente da Xunta, para desprestixiar esta medida extrema, trátase dunha demanda para mellorar a Xustiza en Galiza”, afirma o concelleiro nacionalista. Recorda que estes traballadores e traballadoras, despois de meses de negociacións “tiveron que facer uso do seu lexítimo dereito á folga, como medida extrema. Recorda que durante todas estas semanas estes empregados e empregadas públicas, no van cobrar, o que demostra que se trata dunha aposta valente e exemplar”.

Por medio da moción, dende o BNG preténdese que ademais de apoiar e poñer en valor unha “lexítima loita laboral”, forzar a que a Xunta de Galiza escoite as lexítimas reivindicacións dos traballadores e traballadoras, “apostando por un servizo público e de calidade, que permita unha atención de calidade ao conxunto dos veciños e veciñas”, rematan na súa nota.

O inminente remate das obras dos colectores do saneamento, nesta parte de Cedeira, nas inmediacións da estrada Redondela-Peinador, son valoradas positivamente dende o BNG.

Non foi unha casualidade a elección de Meirande como entorno  elixido para esta xuntanza. O actual museo, foi en tempos unha conserveira chamada do “Alemán” onde ducias de mulleres traballaron en duras condicións, para sacar adiante as economías familiares.

Na sesión plenaria do mes de xaneiro, representantes do goberno municipal de Redondela, recoñeceron que non ían afrontar a construción do patio cuberto do centro educativo, por seren  competenza da Xunta.

O concelleiro nacionalista, Xoán Carlos González, insta ao alcalde de Redondela “ a cumprir a súa palabra, incluíndo esta obra na proposta do ano 2018”.

A definitiva posta en marcha deste equipamento volve a sumar un novo retraso, acumulando xa cinco anos. Considera o nacionalista que estase xogando cos usuarios e usuarias e as súas familias, co silencio de Javier Bas.

Acertaron dende a A.VV. ao plantexar tempos de intervención limitados nos diversos puntos a tratar, o goberno municipal non puido manexar os tempos, caíndo así en varias contradicións, e mesmo tendo que botar man o alcalde de comentarios de corte machista.

A recente convocatoria do Concurso de Comparsas para o Entroido 2018, por parte da concellaría de Cultura, vén de confirmar o xa agardado.