“Detrás de todo isto agóchase o interese do PP, por sabotar o Plan MÓVESE, novidosa iniciativa de mellora da seguridade viaria nas estradas provinciais ”. Demandar mediante unha moción, unha visita a Redondela, para que se fagan inversións consolida a visión clientelar dunha institución pública.
A convocatoria desta manifestación de carácter popular, coincidindo coa celebración das Letras Galegas, evidencia o desleixo dos responsábeis municipais, coas nosas mais fondas tradicións.
A Muiñeira, pode considerarse como un dos bailes tradicionais por excelencia do noso País. Dende hai anos, o concello de Redondela viña celebrando esta data, co que se facilitaba a xuntanza das distintas agrupacións de baile tradicional do Concello.
A convocatoria do ano 2017, deixa ben ás claras o desinterese do departamento de cultura, dirixida por Teresa París, con esta mostra do nosos bailes populares. Mesturar os actos institucionais do Día das Letras Galegas, co Día da Muiñeira, demostra, unha vez máis que se carece dunha verdadeira programación cultural de base, que promocione as nosas tradicións máis arraigadas.
A falla de publicidade previa, da conmemoración dunha data tan significativa, para a concentración dos grupos de baile tradicional confirma esta realidade. Non existe o máis mínimo interese por parte do goberno de Javier Bas de promocionar actividades culturais, que consideran desfasadas, mais que non son quen de eliminar.
A convocatoria do Día da Muiñeira, debe ser singular e ben diferenciada doutras datas significativas da nosa cultura. Non se pode fomentar, aquilo no que non se cre. Dende o BNG, apostamos abertamente por recuperar as nosas tradicións populares, apoiando de vez as agrupacións de música tradicional. Exiximos que o Día da Muiñeira, volva a converterse nunha data singular no que se amose a nosa riqueza cultural, se fomente os nosos bailes e música, poñendo en valor toda unha tradición que debe transmitirse ás novas xeracións.
O responsábel local, Anxo Lusquiños, reclama que o concello abra unha oficina informativa en Chapela.
Nos últimos días están chegando as cartas procedentes da dirección xeral do catastro coa actualización que afecta a numerosas vivendas no concello de Redondela. “Temos confirmación de O Viso, Ventosela, Chapela, Cesantes”, afirma. “Supoñemos que nas vindeiras semanas chegarán á totalidade de veciños e veciñas”.
Esta revisión catastral vai supoñer un significativo aumento da taxa anual. “Galpóns, pendellos, leñeiras, churrasqueiras, van tributar como se foran vivendas, o que consideramos un atropelo, cun único fin recadatorio”, afirma.
Sinala na súa nota, que poderán ser cargados os recibos con efectos retroactivos, e mesmo con intereses, co que a taxa final a pagar vai ser moi elevada.” Agora os veciños e veciñas teñen que pagar unha taxa de 60 euros, con unicamente quince días de reclamación”.
Apunta Anxo Lusquiños, que o aumento no valor das vivendas e propiedades, suporá un aumento no patrimonio das familias, con que moitas delas mesmo poden ter problemas á hora na concesión de becas por estudios.
“O principal beneficiario do catastrazo vai ser o concello de Redondela. Van a aumentar significativamente os ingresos. Por este motivo, vía moción forzamos ao goberno de Javier Bas a abrir unha oficina informativa en Redondela”, recorda. Mais para o BNG, isto non é suficiente “exiximos que se abra outra en Chapela, que podería dar sevizo igualmente á cercana parroquia de Trasmañó. O alto número de vivendas unifamiliares obriga a ter en conta esta proposta”.
Pola banda do BNG afirma que van desenvolver unha campaña de asesoramento para presentar as alegacións. Anuncia Anxo Lusquiños que o xoves 2 e 9 de marzo a partires das 19 horas, van desenvolver actos informativos sobre o catastrazo no Multiusos de Chapela. “Tamén imos abrir o local do BNG en Redondela, todas as tardes da semana a partires das 18h., durante o tempo que sexa necesario, para que aqueles veciños e veciñas aos que lles queira cobrar inxustamente, poidan presentar alegacións”
