Os cativos e cativas adscritos ao Centro de Saúde de Redondela, volven sufrir o deterioro das restricións do Sergas. Obríganos a ser atendidos por “urxencias”, polo que se lles debe facer unha PCR.
“Confírmase o deterioro da Atención Primaria perpetrada dende o goberno de Feijóo”. En plena pandemia, o SERGAS elimina unha das tres prazas adscritas ao Centro de Saúde de Redondela.
Dende o Bloque Nacionalista Galego de Redondela, ante a grave crise sanitaria por mor do COVID-19, “Coronavirus”, Comunicamos:
1. Apelamos á responsabilidade dos veciños e veciñas de Redondela, para poder superar o antes posíbel esta difícil situación sanitaria que estamos a atravesar.
2. Desexar a pronta recuperación daqueles veciños ou veciñas que se poidan ver afectados.
3. Poñernos a disposición das autoridades, principalmente municipais para afrontar esta loita colectiva.
4. Recordar que somentes as directrices baseadas en criterios sanitarios e científicos substentan calquera tipo de decisións.
5. En aras a evitar confusións e uso partidista da información, remitir á cidadanía á páxina do Concello de Redondela, ou do único medio de comunicación que consideramos “oficial” a nível local: Radio Redondela.
6. Especial mención para as familias que estas semanas terán que reorganizar a súa vida especialmente aquelas que teñen menores ao seu cargo.
7. Chamamos á responsabilidade das diversas empresas, para que acompañen as medidas de carácter público, restrinxindo a súa actividade ao máximo. Poderán contar con BNG, para apoiar medidas económicas que resarzan as súas perdas.
8. Recoñecer o traballo, esforzo e implicación dos traballadores da Saúde Pública. Seguiremos, despois desta crise como fixemos antes, defendendo unha Sanidade pública e universal.
9. Recoñecer o traballo dos empregados públicos, especialmente o persoal municipal, para o que pedimos a colaboración e comprensión cidadá, co fin de facilitarlle o seu importante labor.
10. Recoñecer o traballo de todos os operarios e operarias, como repartidores e repartidoras, caixeiros e caixeiras de supermercados, transportistas, persoal farmacéutico,… que seguen desenvolvendo o seu labor nestes días. Apelamos á comprensión e colaboración cidadá para facilitarlle o seu labor. Despois desta crise, seguiremos apoiando as súas xustas reivindicacións laborais.
Dende a organización nacionalista, teñen recollido numerosas incidencias nas últimas semanas. A situación agrávase nos meses de verán, responsabilizando directamente ao goberno da Xunta, pola precariedade na atención primaria na bisbarra redondelá.
