“Conseguimos o compromiso de que a falta dun documento de RENFE, as obras sairán a licitación”.
Xoán Carlos González “ A Xunta deixa fóra a Redondela nos seus plans de vivenda pública malia a suba dos prezos e a demanda social de solucións”
Xoán Carlos González Campo, “pretendeu coaccionarme cando como voceiro do BNG defendía a nosa moción da Escola Infantil de Chapela”.
Ofrecen chegar a acordos para facilitar o bo funcionamento do concello
O BNG asumirá unha oposición responsábel ante o bloqueo permanente do PP
“Trátase dun servizo desbordado, e moi deteriorado pola administración galega”, afirman.
Por medio da moción presentada no Pleno de Redondela, dende o BNG solicitan o apoio ás mobilizacións e folga da xustiza. Uns 2.500 traballadores e traballadoras, levan xa seis semanas reclamando melloras na institución de xustiza que beneficien ao conxunto da cidadanía.
No corpo da moción, que será defendida polo concelleiro Xoán Carlos González, recóllense as demandas destes empregados públicos, que sobordan as subas salariais. En concreto refírese a consolidación de postos de traballo con máis de tres anos na mesma praza; a reposición de máis de 100 prazas amortizadas nos últimos anos; a retirada dos descontos en caso de Incapacidade Temporal; ou a compensación económica no caso de que se cubran postos de maior categoría.
“Lonxe de tratarse dunha folga unicamente por demandas de aumento salarial, tal como pretende facer crer o presidente da Xunta, para desprestixiar esta medida extrema, trátase dunha demanda para mellorar a Xustiza en Galiza”, afirma o concelleiro nacionalista. Recorda que estes traballadores e traballadoras, despois de meses de negociacións “tiveron que facer uso do seu lexítimo dereito á folga, como medida extrema. Recorda que durante todas estas semanas estes empregados e empregadas públicas, no van cobrar, o que demostra que se trata dunha aposta valente e exemplar”.
Por medio da moción, dende o BNG preténdese que ademais de apoiar e poñer en valor unha “lexítima loita laboral”, forzar a que a Xunta de Galiza escoite as lexítimas reivindicacións dos traballadores e traballadoras, “apostando por un servizo público e de calidade, que permita unha atención de calidade ao conxunto dos veciños e veciñas”, rematan na súa nota.
