“Detrás de todo isto agóchase o interese do PP, por sabotar o Plan MÓVESE, novidosa iniciativa de mellora da seguridade viaria nas estradas provinciais ”. Demandar mediante unha moción, unha visita a Redondela, para que se fagan inversións consolida a visión clientelar dunha institución pública.
O responsábel local, Anxo Lusquiños, reclama que o concello abra unha oficina informativa en Chapela.
Nos últimos días están chegando as cartas procedentes da dirección xeral do catastro coa actualización que afecta a numerosas vivendas no concello de Redondela. “Temos confirmación de O Viso, Ventosela, Chapela, Cesantes”, afirma. “Supoñemos que nas vindeiras semanas chegarán á totalidade de veciños e veciñas”.
Esta revisión catastral vai supoñer un significativo aumento da taxa anual. “Galpóns, pendellos, leñeiras, churrasqueiras, van tributar como se foran vivendas, o que consideramos un atropelo, cun único fin recadatorio”, afirma.
Sinala na súa nota, que poderán ser cargados os recibos con efectos retroactivos, e mesmo con intereses, co que a taxa final a pagar vai ser moi elevada.” Agora os veciños e veciñas teñen que pagar unha taxa de 60 euros, con unicamente quince días de reclamación”.
Apunta Anxo Lusquiños, que o aumento no valor das vivendas e propiedades, suporá un aumento no patrimonio das familias, con que moitas delas mesmo poden ter problemas á hora na concesión de becas por estudios.
“O principal beneficiario do catastrazo vai ser o concello de Redondela. Van a aumentar significativamente os ingresos. Por este motivo, vía moción forzamos ao goberno de Javier Bas a abrir unha oficina informativa en Redondela”, recorda. Mais para o BNG, isto non é suficiente “exiximos que se abra outra en Chapela, que podería dar sevizo igualmente á cercana parroquia de Trasmañó. O alto número de vivendas unifamiliares obriga a ter en conta esta proposta”.
Pola banda do BNG afirma que van desenvolver unha campaña de asesoramento para presentar as alegacións. Anuncia Anxo Lusquiños que o xoves 2 e 9 de marzo a partires das 19 horas, van desenvolver actos informativos sobre o catastrazo no Multiusos de Chapela. “Tamén imos abrir o local do BNG en Redondela, todas as tardes da semana a partires das 18h., durante o tempo que sexa necesario, para que aqueles veciños e veciñas aos que lles queira cobrar inxustamente, poidan presentar alegacións”
“Queremos saber a situación desta formación arbórea, tan singular e distintiva do Concello, ante o avance do parásito Taladro do Buxo”, declara o concelleiro nacionalista Xoán Carlos González
Trátase dunha praga provocada por unha larva de procedencia asiática, que está a mermar a poboación de buxos da nosa contorna. O primeiro que comen os insectos, son as follas, mais ao verse afectada a cortiza a pranta chega a morrer. “O chamado Taladro do Buxo pode sumar varias xeracións ao longo do ano, sendo a segunda delas a máis letal”, afirma o concelleiro do BNG Xoán Carlos González
Ante o temor de que a Carreira de Buxos de San Simón puidera verse afectada por esta praga, dende o BNG dirixíronse ao Concello de Redondela para comprobar se se está a facer un seguimento. “Foi xa en novembro, cando presentamos un escrito para saber da situación dos buxos da Illa, recorda o concelleiro nacionalista, mais ata agora, non temos resposta ningunha. Instabamos ao goberno municipal, para que se dirixira aos responsábeis da Consellaría de Cultura, responsábel último da situación de San Simón.
Amosa a súa preocupación Xoán Carlos González, “ante a falla de resposta de ambas as dúas administracións. Semella que para o alcalde Redondela non foi unha prioridade, nos seus continuos encontros con responsábeis da Xunta interesarase pola saúde da Carreira de Buxos,”, afirma.
Recorda que o conxunto arbóreo da Illa de San Simón, constitúe un elemento singular, recollido dentro do Catálogo de Árbores Senlleiras de Galiza. Algúns dos exemplares chegan aos 11 metros de altura, cun diámetro de 70 centímetros. “Estes buxos superan os cen anos, co que a preservación deste conxunto, constitúe unha enorme responsabilidade. Por iso quixemos saber da situación dos mesmos”, afirma Xoán Carlos González.
“Para nós a Carreira de Buxos, como espazo excepcional, agranda aínda máis San Simón. Trátase sen dúbida dun selo que pon a Redondela como referente, en todo o sur de Galiza. O Concello xa hai tempo que renunciou a rendabilizalo. Cesantes deixou de ser o peirao de referenza para visitar o arquipélago”, remata na súa nota o concelleiro do BNG.
Nunha moción presentada para o Pleno de xaneiro, o concelleiro desta formación pretende un posicionamento unánime de todos os grupos. “O mantemento da oficina da Sociedade Estatal Correos e Telégrafos en Chapela, rexeitando o derrubamento do edificio no que se ubica ata que non se presente unha alternativa que asegure o futuro do servizo”, sería o punto único recollido na moción nacionalista.
Segundo explicou Xoán Carlos González, concelleiro do BNG, “queremos levar ante o Pleno a preocupación veciñal ante a posíbel perda deste servizo de carácter público”. Considera que se deben poñer todos os recursos necesarios para que a oficina de Chapela manteña a súa operatividade. “Na actualidade presta servizo a esta parroquia, e á de Trasmañó: arredor de 10.000 persoas”.
Para o concelleiro nacionalista, a Sociedade Pública Estatal, pretende aproveitar a escusa a ampliación para eliminar este servizo. “Para nós, sería un dobre agravio que Chapela padecera a ampliación e que quedara sen oficina de Correos”, afirma. Por iso propoñen o mantemento do actual edificio, ante a posibilidade de que peche.
Recorda que tamén as entidades veciñais, pódense ver afectadas ente o derrubamento do edificio. “Nel teñen a súa sé tanto a Asociación de Veciñ@s, a Comunidade de Montes, e a Asociación de Afectad@s pola Ampliación da AP9”. Remata Xoán Carlos González na súa nota afirmando que “non imos permitir que se peche a oficina de Correos en Chapela”.
